Sobre o Congreso ONLINE e máis información

O Formato

O Observatorio para a CiberSociedade é unhaa entidade que traballa, por definición, en rede e para a rede, por iso o espacio e medio natural para o debate atópase no ciberespacio.
     Durante os trece días de duración do congreso utilizaremos as ferramentas tecnolóxicas á nosa disposición para crear un entorno de discusión e reflexión, de presentación de investigacións e de casos prácticos e de xeneración de coñecemento sobre temáticas cibersociais.
     Investigadores e docentes, organizacións e cidadanía, presentarán as súas investigacións e reflexións articuladas en Grupos de Traballo de temáticas concretas, onde se someterán a discusión colectiva e paralela.

E para continuar innovando neste formato, combinaremos, nesta ocasión, o espacio de debate electrónico, continuado, cunha serie de eventos presenciais situados en diversos puntos do Estado Español e Iberoamérica, complementando, diversificando e enriquecendo, esta experiencia e este formato sobre o que seguimos innovando e aprendendo.


O Congreso

Este congreso abordará, como líña principal a pregunta que o comité científico definíu como título: Cara que sociedade do coñecemento? Esta cuestión central pretende leva-lo eixo do debate e as reflexións hacia o modelo de implantación das TIC, especialmente en España e en América Latina e en concreto desde unha óptica social e cultural. A partir desta cuestión central, son moitas as preguntas derivadas que este congreso intentará contestar ou, polo menos, razoar:

O segundo Congreso ONLINE do OCS reproducirá en boa medida o modelo da primeira convocatoria, celebrándose integramente dentro dun ámbito electrónico homoxéneo con diversas formas de participación sincrónica e asincrónica. A duración do mesmo será de dúas semanas completas, iniciándose o 2 novembro de 2004.


O precedente

En setembro de 2002 o OCS celebrou o seu primeiro congreso en líña cun gran nivel de participación e unha importante repercusión mediática. Aquela primeira edición reuníu dixitalmente a máis de 700 persoas e un centenar largo de comunicacións que se debatiron nunha vintena de grupos de traballo. Os detalles desta primeira edición, xunto coa súa metodoloxía organizativa e as súas conclusións están dispoñibles no enderezo http://www.cibersociedad.net/congreso/conclusiones.pdf.

Aquela primeira edición e a súa extraordinaria acollida demostrounos que se trata dun modelo organizativo moi interesante para actividades congresuales ou similares. Ademáis, resulta un modelo moi coherente e converxente coa temática propia do congreso e do OCS. O seu dinamismo, a súa temporalización, os diversos ritmos e niveles de participación que permite, así como a posibilidade de ser un participante activo desde calquear parte do mundo e en calquera momento do día son algunhas das claves do éxito deste formato de actividade, aínda que todo isto requira unha planificación estratéxica previa e un desenvolvemento tecnolóxico específico.


O Observatorio

O Observatorio para a CiberSociedade defínse como Comunidade Dixital de Coñecemento sobre as dimensións sociais e culturais das Tecnoloxías da Información e a Comunicación.

O OCS é un proxecto de carácter aberto, colaborativo e autoxestionado, en constante construcción e crecemento. Para iso, o OCS organiza actividades como este congreso, recopila materiais, edita unha revista de contidos específicos, difunde traballos de investigación e divulgación, pretende ofrecer e construir unha rede de investigación e reflexión sobre o cibersocial e, en definitiva, fomenta-lo debate e o traballo sobre a nova realidade interconectada e dixital da nosa sociedade.

Máis (toda) a información en http://www.cibersociedad.net