Exe B - Ciencia & investigación
Grupo de Traballo B-65: Indicadores dixitais para a Sociedade da Información
Preguntas iniciales
- ¿Son útiles os indicadores para medir a Sociedade da Información que temos actualmente?
- ¿Como medimos o grao de uso das redes sociais?
- ¿Que indicadores son mellores para ver o aproveitamento das ferramentas da Web 2.0: youtube, myspace, facebook, twitter, flicker, eyeos, etc.?
- ¿Como estudamos aos usuarios "punta de lanza" en temas TIC?
- Cales son as actitudes que motivan o aproveitamento das TIC para o lecer?
- ¿Temos que concentrarnos en dar datos, ou ao facer webs que faciliten o acceso aos datos?
- ¿Que sucede coas estatísticas de organismos internacionais de referencia, como Eurostat, que non mide datos de microempresas?
- ¿Cal é a periodicidade óptima para xerar estatísticas TIC?
- ¿Cales son os parámetros que hai que considerar para poder facer comparativas?
- ¿Que difusión teñen que ter os datos estatísticos e os indicadores da Sociedade da Información?
Lista de palabras clave
fenda dixital, sociedade da información, TIC, goberno electrónico, administración electrónica, converxencia tecnolóxica, inclusión, nova economía
Descripción del GT
Reflexionar sobre os indicadores que miden o grao de desenvolvemento da Sociedade da Información é un dos exercicios máis interesantes que se poden facer.
No momento actual, onde as Tecnoloxías da Información e a Comunicación (TIC) forman parte do noso día a día, e onde posiblemente falar de "Sociedade da Información" quere dicir falar de "Sociedade", porque case todas as persoas teñen acceso a contidos dixitais xerados, obtidos e visualizados vía teléfonos móbiles, televisión ou Internet, os aspectos relacionados coa medida do nivel de acceso e uso a estas TIC por parte da sociedade teñen unha importancia que moitas veces pasa desapercibida.
Indicadores útiles, novas ferramentas en Internet ao alcance das persoas e as organizacións, o aproveitamento das TIC, a diminución da fenda dixital nalgúns eidos pero o seu incremento noutros, ou a viabilidade da comparación de indicadores, son aspectos e temáticas sobre os que hai que falar, discorrer, contrastar e razoar diferentes opinións e puntos de vista.
- Antes do período de discusión de comunicacións (12-29 de novembro) preparamos unha serie de obradoiros online de reflexión e participación que iremos publicando de xeito progresivo.
Anímaste a intervir?
